สวัสดีปี๋ใหม่เมือง 2565 pantip

สวัสดีปี๋ใหม่เมือง 2565

วันพุธที่ 13 เมษายน พ.ศ. 2565 สุขสันต์วันปี๋ใหม่เมือง 
     เอวัง โหนตุ ดีและ อัชชะในวันนี้ก่อเป๋นวันดีสรีอันผาเสริฐล้ำเลิศกว่าวันและยามทั้งหลาย บัดนี้รวิสังกรานต์ปี๋เก่าก่อล่วงไปแล้ว ปี๋ใหม่แก้วก่อมาฮอดมาเถิง ลูกหลานทังหลายก่อบ่อละสัยยังรีต บ่อลีดเสียยังป๋าเวณี เจ้าทังหลายก่อยังได้น้อมนำมายังมธุบุปผาและสุคันโธทกะวัตถุนานนาทังหลาย มาขอสุมาคารวะตั๋วต๋นผู้ข้า ว่าฉันนี้แท้ดีหลี แม้นว่าเจ้าทั้งหลายได้ปากล้ำกำเหลือ ขึ้นที่ต่ำ ย่ำที่สูง ผิดด้วยกายกัมม์ วจีกัมม์ มโนกัมม์ ดั่งอั้นก่อดี ผู้ข้าก่อจะขออโหสิกัมม์หื้อแก่สูเจ้าทั้งหลาย แม้นว่าสูเจ้าทั้งหลายจักไปสู่จตุทิสสะ อัฐทิสสะ วันตกวันออกใต้หนเหนือ ค้าขายวายล่องท่องเที่ยวบ้านเมืองแลอยู่บ้านช่องห้องหอเฮือนอั้นก่อดี จุ่งหื้อชุ่มเนื้อเย็นใจ๋แล้วหื้อเป็นปิยะมนามักรักจำเริญใจ๋แก่หมู่คนแลเทวดา แล้วจุ่งหื้อก๋านกุ่งรุ่งเรือง ไปด้วยโภคะธนะธนัง ข้าวของเงินคำสัมปัตติทั้งหลาย แม่นจักกิ๋นก่ออย้าหื้อได้ผลาญ จักทานก่ออย่าหื้อได้เสี้ยง หื้อมีอายุมั่นยืนยาวเที่ยงแท้ดีหลี
    สัพพีตีโย วิวัชชันตุ สัพพะโรโค วินัสสตุ มา เต ภวัตวันตะราโย สุขี ทีฆายุโก ภะวะ อะภิวาทะนะสีลิสสะ นิจจัง วุฑฒาปะจายิโน จัตตาโร ธัมมา วัฑฒันติ อายุ วัณโณ  สุขัง พลัง 
     แนะนำเมนูอาหารวันปี๋ใหม่ แก๋งฮังเล..ผัดผักกาดขาว..แก๋งผักเสี้ยว..ไข่ทอด อยู่ดีมีสุข กุผู้กุคนเน่อปี้น้อง
     Noohom Ja
      13 / 4 / 65